Ադրբեջանի ԶՈւ–ին բնորոշ է «Իսլամական պետություն» ահաբեկչական խմբավորման ձեռագիրը։ Այս մասին սեպտեմբերի 18–ին՝ Հայաստան–Սփյուռք 6-րդ համաժողովի ժամանակ ասել է ՀՀ ԱԳ նախարար Էդվարդ Նալբանդյանը։

Նախարարը հիշեցրել է, որ 2016–ի ապրիլին ադրբեջանցի զինվորական հանցագործները սպանել եւ խոշտանգել էին տարեց մարդկանց, դպրոցի բակում սպանել երեխայի, իսկ տեսախցիկների առաջ էլ գլխատել հայ զինծառայողների։ «Դա ադրբեջանական զինված ուժերի դեմքն է, որոնց բնորոշ է ԻՊ ահաբեկչական խմբավորման ձեռագիրը։ Ադրբեջանական բարբարոսությունները, ինչպես պատերազմի առաջին տարիներին, այնպես էլ ապրիլին, կասկած չեն թողնում, որ Լեռնային Ղարաբաղի Հանրապետության ժողովրդի՝ անկախության համար պայքարն արդարացի է եղել թե անցյալում, թե հիմա»,– ընդգծեց Էդվարդ Նալբանդյանը։