Ահաբեկիչներն ու ծայրահեղականները թափ են հավաքել եւ տարածվել բոլոր շրջաններում։ Այս մասին ՄԱԿ Գլխավոր ասամբլեայի նիստում ելույթ ունենալիս ասել է ԱՄՆ նախագահ Դոնալդ Թրամփը։
Նա նշել է, որ ավտորիտար տերությունները ձգտում են քայքայել այն միությունների արժեքներն ու համակարգը, որոնք Երկրորդ համաշխարհային պատերազմի տարիներին կանխում էին հակամարտությունները։
Խոսելով ԱՄՆ տնտեսության մասին՝ նա ասել է, որ ֆոնդային շուկան բարձրացել է ավելի քան երբեւէ, այնինչ գործազրկության մակարդակը հասել է վերջին 16 տարվա ամենացածր մակարդակին։
«Ընկերությունները վերադառնում են ԱՄՆ»,– նշել է նա՝ հավելելով, որ ԱՄՆ–ը պաշտպանության համար 700 մլրդ դոլար կծախսի։
