Նախնական տվյալներով՝ 2017 թվականի հունվար-օգոստոսի համար նշված է Հայաստանի արտաքին առեւտրաշրջանառության աճ, որը կազմել է 24,4 տոկոս: Այս մասին սեպտեմբերի 22-ին լրագրողների հետ հանդիպման ժամանակ ասաց տնտեսագետ Վիլեն Խաչատրյանը:
Նրա խոսքով՝ դրա հետ մեկտեղ, արտահանման աճը կազմել է 21,7 տոկոս, իսկ ներմուծման՝ 26 տոկոս: «Կարելի է նշել, որ արտահանման ոլորտում մենք մոտ ենք ռեկորդ սահմանելուն: Եվ եթե համեմատենք անցյալ տարվա միջին ցուցանիշների հետ, ապա մեզ մոտ աճը կազմում է 200 մլն դոլար»,- ընդգծեց Խաչատրյանը:
Փորձագետը նշեց, որ Հայաստանում ըստ արտաքին առեւտրաշրջանառության ցուցանիշի՝ առաջին տեղում Ռուսաստանն է (22 տոկոս), Բուլղարիան (13,6 տոկոս՝ տնտեսական ընդհանուր կշռից) եւ Շվեյցարիան (12,7 տոկոս՝ տնտեսական ընդհանուր կշռից): Շվեյցարիայի մասին խոսելիս տնտեսագետը նշեց, որ այս երկիր Հայաստանից արտահանվող արտադրանքի մասին տվյալները չեն նշվել, սակայն նա ենթադրում է, որ խոսքը կարող է վերաբերել թանկարժեք քարերին եւ համանման այլ արտադրանքին: Միաժամանակ հայկական արտադրանքի արտահանումը ԱՊՀ երկրներ կրճատվել է եւ կազմել ընդամենը 1,4 տոկոս: Կրճատվել է նաեւ Չինաստան հայկական արտադրանքի արտահանումը: Խաչատրյանի խոսքով՝ նախկինում այն 12 տոկոս է կազմել, իսկ հիմա ընդամենը միայն 4,6 տոկոս:
Ներմուծմանն անդրադառնալով՝ տնտեսագետը շեշտեց, որ այս ոլորտում եւս առաջին տեղում է շարունակում մնալ Ռուսաստանը: Սակայն փորձագետը նշեց, որ Ռուսաստանից Հայաստան ներմուծվող արտադրանքի 28,2 տոկոսից գրեթե 7 տոկոսը այլ երկրներում է արտադրվել: Որպես կանոն՝ Չինաստանում: Հայաստանի համար նշանակալիությաբ երկրորդ ներմուծողն է Վրաստանը, այնուհետեւ՝ Թուրքիան: