Չինաստանի Սուչան նահանգում՝ տեղի կենդանաբանական այգիներից մեկում, տերարիումի վերանորոգման ժամանակ այգու տարածքից 78 կոկորդիլոս է փախել։ Ավելի ուշ հաստատության ղեկավարությունը հայտնել է, որ խոսքը կոկորդիլոսի ձագերի մասին է, հայտնում է Daily Mail-ը։

Երկկենցաղների մեծ մասը շատ հեռու չէր գնացել։ 73 կոկորդիլոսներին հետ են բերել կենդանաբական այգի։ Սակայն 5 կոկորդիլոսի մինչեւ հիմա չեն գտել։ Կենդանաբանական այգու աշխատակիցները ենթադրում են, որ նրանք կարողացել են սողալով հասնել մոտակա գետին։

Այս ենթադրությունը շատ է մտահոգում կենդանաբանական այգու աշխատակիցներին, քանի որ կոկորդիլոսները կարող են որսագողերի զոհ դառնալ։ Չինաստանում կոկորդիլոսի կաշին շատ թանկ արժի։ Բացի այդ, այդ սողունի միսը համեղ նրբահամ խորտիկ է համարվում։