Ֆրանսիայի ֆուտբոլի առաջնության «Ամյեն»-«Լիլ» նախօրեի երեկոյան կայացած հանդիպման ժամանակ երկրպագուները տրիբունաներից ընկել են արգելապատնեշի կոտրվելու հետեւանքով: Տուժել է 29 մարդ: 5-ը ծանր վնասվածխքներ է ստացել, փոխանցում է RFI-ն:
Պատահարը տեղի է ունեցել Ամյենի «Ստադ դե լա Լիկորն» մարզադաշտում հանդիպման 16-րդ րոպեին, երբ «Լիլի»-ը խփել է առաջին գոլը: Այդ պահին «Լիլի»-ի երկրպագուները նետվել են դեպի խաղադաշտի եւ տրիբունայի միջեւ եղած արգելապատնեշը: Այն չի դիմացել, եւ երկրպագուներն ընկել են միմյանց վրա: Դրանից հետո խաղը չեղյալ է համարվել:
Կիրակի առավոտյան տուժածներից 6-ը դեռեւս հիվանդանոցում էին: Բժիշկները նրանց վիճակը կայուն են գնահատում:
Ամյենի դատախազությունը վարույթ է սկսել «առողջությանը ոչ դիտավորյալ վնաս հասցնելու» հոդվածով: Մարզադաշտը, որտեղ պատաահարը տեղի է ունեցել, փակվել է: Առաջիկա օրերին այնտեղ ստուգումներ կիրականացնեն:
«Ամյեն» ֆուտբոլային ակումբի ղեկավար Բերնար Ժոանենը հայտարարել է, որ պատնեշը ոչ մի խնդիր չի ունեցել: Նրա խոսքով՝ ոստիկանությունը նախազգուշացրել էր, որ «Լիլ»-ի սեկտորում ագրեսիվ տրամադրված ֆանատներ կան, որոնք անկանոն կերպով նետվել են պատնեշի վրա:
Four fans at a football match in Amiens, France, were seriously injured Saturday after a barrier collapsed during the match. pic.twitter.com/mPKmO4AjhA
— World News Tonight (@ABCWorldNews) September 30, 2017