Բելգիայի վարչապետ Շարլ Միշելը դատապարտել է Կատալոնիայում անկախության հանրաքվեի հետ կապված բռնությունը: «Բռնությունը չի կարող պատասխան լինել: Մենք դատապարտում ենք բռնության բոլոր ձեւերը եւ դարձյալ քաղաքական երկխոսության կոչ ենք անում»,- գրել է նա Twitter-ի իր միկրոբլոգում:
Իսպանական ոստիկանությունը մահակներ, ռետինե փամփուշտներ եւ ուժ է կիրառել Կատալոնիայի անկախության հանրաքվեին խոչընդոտելու համար, որը Մադրիդն անօրինական է համարում: Կատալոնիայի Առողջապահության նախարարության տվյալներով՝ ոստիկանության հետ բախումների հետեւանքով 38 մարդ է տուժել: Իսպանիայի ՆԳՆ-ն հայտարարել է տուժած 11 ոստիկանի մասին:
