News
Լրահոս
News
Երկուշաբթի
Հուլիս 23
Տեսնել լրահոսը

Անդրիաս Ղուկասյանի դեմ դատական գործի նիստի ժամանակ դատախազն ընթերցեց մեղադրական եզրակացությունը։
Ըստ մեղադրանքի՝ Անդրիաս Ղուկասյանը  2016թ. հուլիսի 29-ին Երեւան քաղաքում կազմակերպել է զանգվածային անկարգություններ, ինչպես նաեւ փորձել է միանալ 2016թ. հուլիսի 17-ին Երեւան քաղաքի Մ.Խորենացի փողոցի 158 հասցեում տեղակայված՝ ՀՀ ոստիկանության Երեւան քաղաքի վարչության պարեկապահակային ծառայության գնդի տարածքում գտնվող շենքերը, շինությունները եւ տրանսպորտային միջոցները զավթած , ոստիկաններ եւ բուժաշխատակիցներ պատանդ վերցրած կազմակերպված, զինված խմբին, զինվել, ապօրինի կերպով հրազեն ու ռազմամթերք կրել, պահել եւ խմբի անդամների հետ համակատարմամբ շարունակել պահել զավթածն ու պատանդներին, սակայն հանցագործություններն ավարտին չի հասցրել իր կամքից անկախ հանգամանքներով:
Հանրահավաքի ժամանակ ելույթ ունենալով՝ Ղուկասյանը հայտարարել էր, որ իրենք այստեղից կարող են ազդել իրադրության վրա։ Ցույցն այլ վայր տեղափոխելու ոստիկանության կոչին ակցիայի մասնակիցները մերժումով են պատասխանել եւ սկսել են քարեր նետել ոստիկանների ուղղությամբ։ Ցույցի մասնակիցներն ավելի ագրեսիվ են դարձել եւ անտեսել են ոստիկանության պահանջները, որը, ելնելով նրանց իսկ անվտանգությունից պահանջում էր բողոքի ակցիան այլ վայր տեղափոխել՝ գնդից հեռու։ Հավաքվածները շարունակել են անկարգությունները, ինչը նույնպես հանգեցրել է ոստիկանների շրջանում մարմնական վնասվածքների։
Լսելով մեղադրական եզրակացությունը՝ Ղուկասյանը հայտարարել է, որ մտադիր չէր գրավել շենքն ու պատանդներին, ուստի իր համար անհասականալի է մեղադրական եզրակացության մի մասը, թե «հանցագործություններն ավարտին չի հասցրել իր կամքից անկախ հանգամանքներով»։
«Դա հորինված մեղադրանք է։ Եթե գործողությունը չի սկսվել, ինչպե՞ս այն կարող է ավարտվել կամ չավարտվել»,- հարցադրում է արել Ղուկասյանը, որն իրեն մեղավոր չի ճանաչում մեղադրանքներից ոչ մեկով։

Հետո դատավորի սահմանած նյութերի քննության կարգն առաջացրեց փաստաբանի բողոքը եւ նրանց միջեւ բանավեճի առիթ դարձավ։ Դրա ընթացքում դատավորը կասկած հայտնեց փաստաբանի կոմպետենտության հարցում, իսկ վերջինս էլ հայտարարեց, որ կմտածի դատավորին բացարկ հայտնելու միջնորդություն ներկայացնելու մասին։ Բանն այն է, որ դատավորը վճռեց սկսել վկաների հարցաքննությունը, իսկ փաստաբանը պնդում էր հարցաքննել հենց Ղուկասյանին։

Նշենք, որ գործով անցնում է 51 վկա, 36 տուժած։ Վկաներից ոչ մեկը նիստին ներկա չէր։ Ղուկասյանը սարկազմով նշեց,  որ այսպիսի տեմպերով գործը շատ երկար է քննվելու։ Միաժամանակ նա հարց բարձրացրեց, թե ինչու պիտի այդքան երկար կալանքի տակ մնա։ «Ես դա դիտարկում եմ որպես քաղաքական գործչին կալանքի տակ պահելու ձգտում»,- ասաց Ղուկասյանը եւ հավելեց, որ դատարանը չպետք է սպասարկի նման մտադրություններին։

Քանի որ վկաները չէին ներկայացել, նիստը հետաձգվեց մինչեւ հոկտեմբերի 10-ը՝ ժամը 14-ը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Սասնա ծռերից» Գեւորգ Իրիցյանն ու Թաթուլ Թամրազյանն ազատ արձակվեցին
Նշենք, որ Արշակ Վարդանյանը քննում է «Սասնա ծռեր» խմբի...
Թե Պավլիկն ինչ է ասել, դա հարցական է. «Սասնա ծռերի» անդամ Աշոտ Պետրոսյան
Կխուսափեմ կոնկրետ բան ասել, որովհետեւ ներկա չեմ եղել, ժամանակ է պետք բոլորս հասկանանք...
«Սասնա ծռերից» Էդվարդ Գրիգորյանը ՊՊԾ գնդում ոչ մի պատահական կրակոց չի արձակել. Պաշտպան
Հարցին, թե այդ դեպքում՝ ինչու է Պավլիկ Մանուկյանն այսօր նման հայտարարություն արել, Վարոսյանը կարճ պատասխանեց. «Բացարձակ անհասկանալի է»...
Պավլիկ Մանուկյանի աղմկոտ բացահայտումը. Կրակոցն արձակել է Էդվարդ Գրիգորյանը, իսկ բանկոմատը բացել է Մխիթար Ավետիսյանը
Խնդրում եմ վերականգնեք արդարությունը...
Արարատ Խանդոյանն ազատ է արձակվել
Արարատ Խանդոյանը 2 տարի է՝ կալանքի տակ էր...
«Սասնա ծռեր»-ից Թորոս Թորոսյանի կալանքից դուրս գալու օրը մահացել է նրա 23-ամյա որդին
Հիշեցնենք, որ Թորոս Թորոսյանը կալանավորումից դուրս է եկել նույն օրը, հուլիսի 13-ին, խափանման միջոցի փոփոխության արդյունքում…
Ամենաշատ
Partner news