ԱԺ-ն քննարկում է Ռուսաստանի եւ Հայաստանի ԶՈւ միացյալ խմբավորման կանոնակարգը:
Հոկտեմբերի 4-ին ԱԺ-ում կանոնակարգը ներկայացնելիս պաշպանության փոխնախարար Արտակ Զաքարյանը նշեց, որ հայկական եւ ռուսական կողմերը այն եզրակացության են եկել, որ գործող փաստաթղթերը չեն արտացոլում խմբավորման առաջ դրված խնդիրների ամբողջ ծավալը: Անհրաժեշտ է ավելի հստակ սահմանել համատեղ գործողությունների ծրագրավորումը:
Ինչ վերաբերում է կողմերից յուրաքանչյուրի հրամանատարական իրավասություններին, ապա խմբավորման հրամանատար է նշանակում եւ պաշտոնից ազատում Հայաստանի գերագույն գլխավոր հրամանատարը՝ Ռուսաստանի գերագույն գլխավոր հրամանատարի հետ համաձայնությամբ:
Խաղաղ ժամանակ հրամանատարը կենթարկվի Հայաստանի ԶՈւ գլխավոր շտաբի պետին: Ռազմական ագրեսիայի սպառնալիքի կամ անմիջական ռազմական գործողությունների դեպքում 2 երկրների գլխավոր հրամանատարները կարող են որոշում ընդունել այն փոխանցել Ռուսաստանի Հարավային ռազմական օկրուգի ղեկավարի ենթակայության ներքո (նման որոշման բացակայության դեպքում խմբավորման հրամանատարը նախկինի պես ենթարկվում է Հայաստանի ԶՈւ գլխավոր շտաբի պետին):