ԵԽԽՎ-ն ընդունել է Ադրբեջանում մարդու իրավունքների ոտնահարումը քննադատող բանաձեւ։
«Ժողովրդավարական համակարգերի գործունեությունն Ադրբեջանում» կոչվող բանաձեւում Վեհաժողովը մտահոգություն է հայտնել խոսքի ազատության սահմանափակման նպատակով քրեական իրավունքի կամայական կիրառման խնդրի վերաբերյալ, որն ընդգծվել է Նախարարների կոմիտեի կողմից Մարդու իրավունքների եվրոպական դատարանի որոշումների նկատմամբ վերահսկողության շրջանակում:
Դեսպանները մտահոգություն են հայտնել նաեւ արտախորհրդարանական ընդդիմության գործունեության սահմանափակումների եւ հավաքների ազատության սահմանափակումների կապակցությամբ:
Պատվիրակները կոչ են արել Ադրբեջանին անմիջապես իրականացնել Մարդու իրավունքների եվրոպական դատարանի որոշումների լիարժեք կատարումը, ազատ արձակել քաղբանտարկյալներին, լրագրողների համար ստեղծել իրենց աշխատանքը ազատ կատարելու պայմաններ, ինչպես նաեւ շտկումներ իրականացնել քաղաքացիական հասարակության կազմակերպությունների գործունեության եւ ֆինանսավորման իրավական շրջանակներում, որպեսզի դրանք լիովին համապատասխանեցվեն Եվրոպայի խորհրդի չափանիշներին:
