ԱՊՀ երկրների նախագահները գագաթնաժողովի ավարտին 18 փաստաթուղթ են ստորագրել, այդ թվում՝ ԱՊՀ–ում նախագահելու մասին որոշումը, 2018-ին հերթական գագաթնաժողոովի անցկացման եւ ԱՊՀ Գործադիր կոմիտեում նախագահության մասին որոշումները։ ՌԴ նախագահի օգնական Յուրի Ուշակովը հայտնել էր, որ 2018 թվականին ԱՊՀ–ում նախագահությունը կանցնի Տաջիկստանին, իսկ գագաթնաժողովը կընթանա 2018-ի հոկտեմբերին Դուշանբեում, փոխանցում է ՏԱՍՍ–ը։

Նիստի ավարտին նաեւ որոշում է կայացվել նաեւ 2019 թվականն ԱՊՀ–ում Գրքի տարի հռչակելու մասին, իսկ 2020 թվականը կլինի Հայրենական մեծ պատերազմում հաղթանակի տարի։ Եվս մեկ որոշում վերաբերում է ընտանիքի ինստիտուտի եւ ավանդական ընտանեկան արժեքներին պետական աջակցությանը։

Փաստաթղթեր են ստորագրվել նաեւ անվտանգության ոլորտի կարգավորման մասին։ Դրանք են «ԱՊՀ պետությունների հակաօդային պաշտպանության միացյալ համակարգի ադապտացման հիմնական ուղղությունների մասին» որոշումն ու «Քրեական գործերով ապացույց հանդիսացող թմրանյութերի, հրազենի, դրա հիմնական մասերի, զինամթերքի, պայթուցիկների եւ պայթուցիկ սարքերի փոխանցման կարգի մասին արձանագրությունների մասին» որոշումը։