Ռուսաստանում պլանավորում են սահմանափակումներ մտցնել կրիպտոարժույթներ գնելու գումարի վրա։ Նման առաջարկ է հնչել ՌԴ նախագահ Վլադիմիր Պուտինի մոտ կրիպտոարժույթներին նվիրված խորհրդակցության ժամանակ, փոխանցում է «Ինտերֆաքս»–ը։
«Առաջարկը հայեցակարգային իմաստով հաստատվել է, բայց պետք է հասկանալ, թե ինչ գումարի սահմաններում։ Պետք է ուսումնասիրել միջազգային պրակտիկան»,– ասել է ֆինանսների փոխնախարար Ալեքսեյ Մոիսեեւը։
Ավելի վաղ կրիպտոարժույթների գնումը սահմանափակելու մասին առաջարկներ չէին հնչել։ Չի հաղորդվում, թե որ գերատեսչությունն է նման նախաձեռնությամբ հանդես եկել։