Ես հիշում եմ Հայաստանը 90-ականներին եւ կարող եմ գնահատել այն ճանապարհը, որով նա անցել է: Այս մասին հայտարարել է Հայաստանում ԱՄՆ արտակարգ եւ լիազոր դեսպան Ռիչարդ Միլսը Հայաստանում ԱՄՆ Միջազգային զարգացման գործակալության գործունեության (USAID) 25-ամյակին նվիրված երեկոյի ժամանակ:
Նա հիշեցրել է, որ ինքը ԱՄՆ պետդեպարտամենտում Հայաստանի հարցերով առաջին պատասխանատուներից էր:
«Թեկուզ հեռվից, բայց ես կարող եմ պատկերացնել, թե որքան դժվար էին այդ մութ տարիները, երբ USAID առաջին ներկայացուցիչները եկան Հայաստան: Այսպիսով, ես կարող եմ տեսնել եւ գնահատել Հայաստանի առաջընթացը անցյալ տարիների համեմատ:
Դրան նաեւ նպաստել է քառորդ դարի ընթացքում USAID-ի կողմից Հայաստանին տրամադրված ավելի քան 1 միլիարդ դոլարի օժանդակությանը: Դրանից բացի, մեր մասնագետները միշտ հայ գործընկերների կողքին են եղել բարդ խնդիրների լուծման ժամանակ», - ավելացրել է դիվանագետը:
