Մալթայի կառավարությունը 1․18 մլն դոլար պարգեւ է խոստացել լրագրող Դաֆնա Կարունու Գալիցիային սպանողի մասին տեղեկություն տրամադրելու համար։

Կառավարության հայտարարության մեջ ասվում է, որ իրենք պատրաստ են պաշտպանել իրազեկիչին, փոխանցում է AP-ը։ Կառավարությունը պարտավորություն է ստանձնել բացահայտել այդ հանցագործությունը, բոլոր մեղավորները պատասխանատվության կենթարկվեն, ասված է հաղորդագրության մեջ։

Դաֆնա Կարունա Գալիցիան՝ հայտնի բլոգեր եւ կառավարության կոշտ քննադատը, հոկտեմբերի 16-ին մեքենայում պայթյունի հետեւանքով մահացել էր։ Պայթյունն այնքան հզոր էր, որ մեքենան կտոր-կտոր էր եղել, վարորդի մարմինը դաշտ է նետել։

Գալիցիան հայտնի էր պանամական փաստաթղթերի մասին  իր լրագրողական հետաքննություններով։ Երկրի վարչապետը հայտնվել էր այդ օֆշորային սկանդալի կենտրոնում։ Լրագրողը նաեւ գրել էր Ադրբեջանի նախագահի դուստր Լեյլա Ալիեւայի մասին, որը նույնպես անցնում էր Պանամայի գործով։