Հայաստանը պատրաստ է հետեւել խաղաղ տիեզերքի մասին միջազգային համաձայնագրերին, իսկ Ադրբեջանը՝ ոչ: Հոկտեմբերի 26-ին այս մասին ասաց ԱԺ փոխխոսնակ Էդուարդ Շարմազանովը՝ ելույթ ունենալով «Լուսնի եւ այլ երկնային մարմինների վրա պետությունների գործունեության կարգավորման մասին» համաձայնագրի քննարկման ժամանակ:
«Ելք» դաշինքի պատգամավոր Արտակ Զեյնալյանը հետաքրքրվեց՝ արդյոք համաձայնագրին միացե՞լ է Հյուսիսային Կորեան: Հարցին տրանսպորտի, կապի եւ տեղեկատվական տեխնոլոգիաների փոխնախարար Արման Խաչատրյանը պատասխանեց, որ Փհենյանը չի ցանկանում այս համաձայնագրին միանալ: «Իսկ Ադրբեջանը միացե՞լ է»,- հարցրեց Շարմազանովը: «Ոչ»,- պատասխանեց Խաչատրյանը:
