Ռուսաստանը եվրոպական անվտանգության ենթակառուցվածքում կարեւոր խաղացող է: Այս մասին ուրբաթ հայտարարել է Եվրոպայի անվտանգության եւ համագործակցության կազմակերպության (ԵԱՀԿ) գլխավոր քարտուղար Թոմաս Գրեմինգերը Ռուսաստանի արտաքին գործերի նախարար Սերգեյ Լավրովի հետ բանակցություններից առաջ, հաղորդում է ՏԱՍՍ-ը:
«Կարծում եմ, որ ՌԴ-ն առանցքային դեր ունի եվրոպական անվտանգության ենթակառուցվածքում», - ասել է նա:
ԵԱՀԿ գլխավոր քարտուղարը նշել է, որ «մենք պատմական կետում ենք գտնվում, երբ կարեւոր է Եվրոպայում առանցքային դերակատարների միջեւ վստահությունը վերականգնել»:
«Ես կարծում եմ, որ հնարավոր է վերականգնել վստահությունը, բայց դա պահանջում է բոլոր երկրների ջանքերը, յուրաքանչյուր պետություն պետք է իր ներդրումն ունենա», - ընդգծել է Գրեմինգերը:
Նրա կարծիքով՝ ԵԱՀԿ-ն ինչպես նախկինում կարողանում է աշխատել ճգնաժամային եւ կոնֆլիկտային իրավիճակների կանխարգելման ուղղությամբ:
«Ես համոզված եմ, որ ԵԱՀԿ նման միջազգային կազմակերպությունը կարող է կանխել ճգնաժամերի վերածումը հակամարտության եւ օգնել անդրազգային խնդիրների լուծմանը», - ասել է նա,- հիմա դա կարեւոր է, ինչպես երբեւէ»:
