Հայաստանի ԱԺ հանձնաժողովներում շարունակվում են 2018 թվականի բյուջեի նախագծի նախնական քննարկումները:
Այսօր՝ նոյեմբերի 6-ին, ԱԺ առողջապահության եւ սոցիալական հարցերի ու ֆինանսավարկային եւ բյուջետային հարցերի մշտական հանձնաժողովների համատեղ նիստի օրակագում են ՀՀ 2018 թվականի պետական բյուջեի մասին օրենքի նախագծով առողջապահության, սոցիալական ապահովության, նպաստների, թոշակների համար հատկացվող ծախսերն ու եկամուտները:
Զեկուցողներն են ՀՀ ֆինանսների նախարարի առաջին տեղակալ Ատոմ Ջանջուղազյանը, ՀՀ աշխատանքի եւ սոցիալական հարցերի նախարար Արտեմ Ասատրյանը, ՀՀ առողջապահության նախարար Լեւոն Ալթունյանը:
Հրավիրվածների թվում են ՀՀ ֆինանսների նախարար Վարդան Արամյանը եւ Երեւանի քաղաքապետի առաջին տեղակալ Կամո Արեյանը:
