Կատալոնիայի խորհրդարանի ղեկավար Կարմե Ֆորկադելը հինգշաբթի ազատ է արձակվել, հաղորդում է Agence France Presse-ը։
«Նա ազատ է արձակվել», - գործակալությանը հաստատել են Իսպանիայի ՆԳՆ-ից։
Խոսնակի պաշտպանը նրա ազատման համար 150 հազար դոլար է վճարել, որպես գրավ։
Իսպանիայի Գերագույն դատարանը հինգշաբթի որոշում է կայացրել կալանավորել Ֆորկադելին՝ գրավի դիմաց ազատ արձակվելու իրավունքով։ Դատախազությունը խորհրդարանի ղեկավարին եւ մի քանի այլ պատգամավորների մեղադրում է ապստամբության, խռովության եւ վատնումների մեջ։ Գերատեսչությունը պնդել է կալանքի տակ առնել խոսնակին։