Կատալոնիայի վարչապետ Պերե Արագոնեսը եւ Բարսելոնայի քաղաքապետ Ադա Կոլաուն հրաժարվել են ողջունել Իսպանիայի թագավոր Ֆելիպե VI-ին՝ Mobile World Congress (MWC) բացման արարողությանը, որը մեկնարկել է այս երկուշաբթի Կատալոնիայի մայրաքաղաքում, հայտնում է RTVE-ն։
Նրա խոսքով, նմանատիպ իրավիճակ է տեղի ունեցել նախօրեին MWC-ի մասնակիցների պաշտոնական ողջույնի ընթրիքի ժամանակ, որը տեղի է ունեցել Կատալոնիայի արվեստի ազգային թանգարանում։ Արագոնեսը եւ Կոլաուն հրաժարվել են թագավորին ընդունած իշխանությունների հետ հերթ կանգնել։
Mobile World Congress-ը, որը կանցկացվի փետրվարի 27-ից մարտի 2-ը, ամենամեծ միջազգային ցուցահանդեսն ու կոնֆերանսն է՝ նվիրված այս ոլորտի վերջին միտումներին։ Բջջային կապի օպերատորների, առեւտրային կազմակերպությունների ներկայացուցիչները եւ հեռահաղորդակցության ոլորտի մասնագետները կքննարկեն շուկաների ապագան եւ անհրաժեշտ ռազմավարությունը։
Հաղորդվում է, որ միջոցառմանը ելույթ կունենան ավելի քան հազար բանախոս, մոտ երկու հազար ընկերություններ կներկայացնեն իրենց արտադրանքը։ Սպասվում է, որ համաժողովին կմասնակցեն ավելի քան 80 հազար այցելու 200 տարբեր երկրներից: