Կատալոնիայի կառավարության նախկին ղեկավար Կառլես Պուչդեմոնը, որն Իսպանիայից փախել է 2017թ. անկախության անօրինական հանրաքվեից հետո, հայտնել է, որ կվերադառնա Կատալոնիա մայիսի 12-ին նախատեսված տարածաշրջանային խորհրդարանական ընտրություններից հետո։
Մինչ այդ նա ասել էր, որ կդնի իր թեկնածությունը «Միասին, հանուն Կատալոնիայի» անջատողական կուսակցությունից։ «Ես կվերադառնամ [ապագա տարածաշրջանային ղեկավարի] թեկնածության վերաբերյալ բանավեճերի օրը՝ անկախ այն բանից՝ կշահե՞մ, թե ՞ ոչ»,- հավաստիացրել է քաղաքական գործիչը RAC1 ռադիոկայանի հարցազրույցում։ Նա ավելացրել է, որ իրեն չի տեսնում ընդդիմության ղեկավարի դերում։
Իսպանիայում գործում է Պուչդեմոնի ձերբակալության օրդերը Կատալոնիայի անկախության հանրաքվեի կազմակերպման գործով։ Այնուամենայնիվ, այժմ թագավորության խորհրդարանը դիտարկում է անջատողական գործընթացի մասնակիցների համաներման օրինագիծը։
Քաղաքական գործիչը, որը ներկա պահին Եվրախորհրդարանի պատգամավոր է, գլխավորել է տարածաշրջանի կառավարությունը այնտեղ Իսպանիայի կազմից դուրս գալու հանրաքվեի անցկացման ժամանակ։ Դրանից հետո նա փախել է Բելգիա։ Այդ ժամանակվանից պիրենեյան թագավորության դատական իշխանություններն անհաջող փորձում են հասնել նրա արտահանձնմանը։