Իսպանիայի խորհրդարանը օրենք է ընդունել կատալոնացի անջատողականների համաներման մասին։ Օրինագծի ընդունմանը կողմ է արտահայտվել 178 պատգամավոր, դեմ՝ 172-ը։ Այս մասին հայտնում է La Vanguardia-ն։
Նշվում է, որ խոսքը 2017 թվականին Իսպանիայից Կատալոնիայի անկախության վերաբերյալ հանրաքվե անցկացնելու փորձի ժամանակ կատալոնացի անջատողականների ներկայացուցիչների կողմից կատարված և՛ ապացուցված, և՛ ենթադրյալ հանցագործությունների համաներման մասին է։
Կատալոնացի անջատողականներին համաներում շնորհելու հնարավորությունն առաջ է քաշել Իսպանիայի ներկայիս վարչապետ Պեդրո Սանչեսը։ Միևնույն ժամանակ, Իսպանիայի շատ շրջաններում այս միջոցը տարածված չէ: Մարտի 9-ին հազարավոր մարդիկ դուրս էին եկել Մադրիդի կենտրոն՝ բողոքելով կատալոնացի անջատողականների համաներման օրենքի դեմ և պահանջելով վարչապետ Պեդրո Սանչեսի հրաժարականը։ Հունվարի վերջին Մադրիդի կենտրոնում մոտ 45 հազար մարդ բողոքի ցույց էր անցկացրել ինչպես Կատալոնիայի անկախության կողմնակիցների համաներման, այնպես էլ՝ Պեդրո Սանչեսի օրենքի դեմ:
