Լիբանանի նախկին վարչապետ Սաադ ալ Հարիրին ընդունել է Փարիզ այցելելու հրավերը։ Այս մասին ասել է Ֆրանսիայի ԱԳ նախարար Ժավ Իվ Լե Դրիանը, որը Էր Ռիադում բանակցություններ է վարել Սաուդյան Արաբիայի գահաժառանգ արքայազն Մուհամմեդ բեն Սալմանի հետ։
«Նա Ֆրանսիա կժամանի, եւ արքայազնին տեղյակ են պահել այդ մասին»,- լրագրողներին ասել է Ժան Իվ Լե Դրիանը։ Ընդ որում, նա չի նշել Հարիրիի այցելության կոնկրետ օրը՝ հայտնելով, թե այդ հարցը պետք է ուղղել նրան։
Հիշեցնենք, որ անցյալ շաբաթ Ֆրանսիայի նախագահ Էմանուել Մակրոնը չհայտարարված այցով մենկել էր Սաուդյան Արաբիա, որտեղ հանդիպել էր արքայազն Մուհամմեդի հետ։
Ավելի վաղ Հարիրին Twitter-ի իր միկրոբլոգում գրել էր, որ առաջիկա երկու օրերի ընթացքում կվերադառնա Լիբանան, սակայն նրա ընտանիքը կմնա Սաուդյան Արաբիայում: Մոտ 10 օր առաջ Հարիրին անսպասելիորեն հրաժարական տվեց՝ գտնվելով Էր Ռիադում:
Վարչապետի պաշտոնից հրաժարվելու իր որոշումը Հարիրին պատճառաբանել է «Լիբանանի շահերը պաշտպանելու ձգտմամբ»: Նա նշել է, որ «հանդես չի գալիս շիական «Հիզբոլլահ» կուսակցության դեմ, սակայն կարծում է, որ այս կազմակերպությունը պետք է դադարեցնի Եմենում, Բահրեյնում եւ այլ վայրերում միջամտությունը, քանի որ դրա շարունակությունը արաբական երկրների կողմից Լիբանանին սպառնացող պատժամիջոցներն են»:
Լիբանանի նախագահը Սաուդյան Արաբիային մեղադրել է Սաադ ալ Հարիրիին եւ նրա ընտանիքին պատանդ պահելու մեջ
