Լիբանանի վարչապետ Սաադ Հարիրիի անսպասելի հրաժարականի պատճառով առաջացած քաղաքական ճգնաժամը տարածաշրջանում քաոս ստեղծելու փորձի մի մասն է: Այս մասին հայտարարել է ԼԻբանանի ԱԳ նախարար Հեբրան Բասիլը, փոխանցում է Reuters-ը:
«Մենք կպատասխանենք եւ դրա համար ունենք բոլոր հնարավորությունները, բայց մենք հույս ունենք, որ բանը դրան չի հասնի», - ասել է Բասիլը:
Հիշեցնենք, որ վաղը՝ նոյեմբերի 18-ին, Հարիրին ընտանիքով մեկնելու է Փարիզ՝ Ֆրանսիայի նախագահ Էմանուել Մակրոնի հրավերով: Ակնկալվում է, որ դրանից հետո նա կվերադառնա Բեյրութ, որտեղ չի եղել Էր Ռիադում իր հեռանալու մասին հայտարարելու պահից վեր:
Սակայն ֆրանսիացի պաշտոնյաները հայտնել են, որ չգիտեն, թե Հարիրին որքան երկար է մնալու Փարիզում՝ հույս հայտնելով, որ դա կօգնի թուլացնել լարվածությունը՝ ցույց տալով, որ Հարիրիին իր կամքին հակառակ չեն պահում Էր Ռիադում, ինչի մասին պնդում է Բեյրութը:
Մոտ 10 օր առաջ Հարիրին, ով նաեւ Սաուդյան Արաբիայի քաղաքացի է, հանկարծակի հրաժարական է տվել՝ գտնվելով Էր Ռիադում: Նա հայտնել է, որ իր կյանքին վտանգ է սպառնում: Որոշ հետեւորդներ ենթադրել են, որ Էր Ռիադն է ստիպել Հարիրիին հրաժարական տալ, իսկ մի շարք լիբանանցի քաղաքագետներ հայտնել են, որ Հարիրիին Էր Ռիադում իր կամքին հակառակ են պահում: Սակայն ինքը՝ Հարիրին իր Twitter-ում հերքել է այդ պնդումները. « Վերջ, ես միանգամայն լավ եմ: Ես կվերադառնամ առաջիկա երկու օրերին», - գրել էր նա:
Լիբանանի նախագահը Սաուդյան Արաբիային մեղադրել է Սաադ ալ Հարիրիին եւ նրա ընտանիքին պատանդ պահելու մեջ
Սաադ Հարիրին առաջիկա օրերին Ֆրանսիա կժամանի
Մակրոնը չնախատեսված այցով Սաուդյան Արաբիա է մեկնում