Սիրիացի ընդդիմադիրները Էր Ռիադում հանդիպման ժամանակ պայմանավորվել են ամփոփ հայտարարության շուրջ, որում իշխանության հետ բանակցության համար ակնկալվում է ձեւավորել միասնական պատվիրակություն, լրագրողներին հայտնել է սիրիական ընդդիմության Էր Ռիադի Բանակցությունների բարձրագույն կոմիտեի(ԲԲԿ) ներկայացուցիչը, փոխանցում է «ՌԻԱ Նովոստին»:
Մոտ 150 սիրիացի ընդդիմադիրներ, որոնք տարբեր խմբերի ու պլատֆորմների պատվիրակներ են, մասնակցում են Էր Ռիադում չորեքշաբթի սկսված երկօրյա գիտաժողովին, որի արդյունքում, ինչպես ակնկալվում է, կձեւավորվի ընդդիմության միասնական պատվիրակություն՝ Ժնեւի բանակցությունների համար, եւ Սիրիայի իշխանությունների հետ քննարկման համար համաձայնեցված փաստաթուղթ կընդունվի:
«Գիտաժողովի գլխավոր՝ Սիրիայի ընդդիմության «Էր Ռիադ -2» մարմինը պաշտոնապես վերջնական հայտարարություն է ընդունել: Այժմ հայտարարությունը ստորագրում են գլխավոր գիտաժողովի բոլոր անդամները», - հայտնել է ներկայացուցիչը:
Հայտարարության բովանդակությունն առայժմ չի հաղորդվում: