61-ամյա ամերիկացի Մայք Հյուզը ինքնաշեն հրթիռով թռիչքի թույլտվություն չի ստացել, որի նպատակն էր պարզել, թե արդյոք Երկիրը կլոր է։ Այս մասին հայտնում է Washington Post-ը։ Հյուզն իրեն համարում է Երկրի տափակ լինելու տեսության կողմնակից եւ մի քանի տարի շարունակ իր ավտոտնակում հրթիռ էր հավաքում, որպեսզի օդ բարձրանա եւ պարզի՝ Երկիր մոլորակը կլոր է, թե ոչ։
Նրա հրթիռի մեկնարկը, որով նա պատրաստվում էր 600 մ վեր բարձրանալ, պլանավորված է նոյեմբերի 25-ին։ Նրա խոսքով՝ ԱՄՆ պետական եւ հանրային հողերի կառավարման բյուրոն թույլտվություն չի տվել։
«Այդպես միշտ է լինում, երբ գործ ես ունենեում ցանկացած պետական գործակալության հետ»,- ասել է գյուտարարը։
Սակայն պարբերականը նշում է, որ այդ կազմակերպության տեղական մասնաճյուղից հայտնել են, որ Հյուզը իրենց չի դիմել։
