Գերեզմանը, որտեղ իբրեւ գտնվել է Հիսուս Քրիստոսի մարմինը, 1700 տարեկան է, այն կառուցվել է նրա մահից 300 տարի անց, պարզել են գիտնականները, փոխանցում է Journal of Archaeological Science: Reports ամսագիրը։
Հայտնի չէ, թե գերեզմանում երբեւէ Քրիստոսի աճյունի մնացորդներ արդյոք եղել են։ Բացի այդ, գոյություն ունեն Հիսուսի թաղման վայրի նաեւ այլ տարբերակներ։
Գերեզմանի տարիքը որոշվել է օպտիկական թվագրման միջոցով։ Դա մեթոդ է, որը թույլ է տալիս իմանալ, թե երբ է վերջին անգամ լույսի մեջ եղել հանքանյութը, այս պարագայում՝ քվարցը, որը Քրիստոսի մահճի բաղադրիչներից է։
Թվագրումը ցույց է տվել, որ սալիկը պատրաստվել է մ․թ․ա․ մոտ 345թվականին՝ պատկառելի տարիքում քրիստոնեություն ընդունած հռոմեացի կայսր Կոնստանտին Մեծի կառավարման ավարտից անմիջապես հետո։ Լեգենդի համաձայն՝ 327 թ․ գերեզմանը հայտնաբերել է Կոնստանտին Մեծի մայրը՝ Ելենան, եւ այդ վայրում հիմնել Տիրոջ Գերեզմանի տաճարը։