Վրաստանի Ազգային անվտանգության խորհրդի քարտուղար Դավիդ Ռաքվիաշվիլին հույս ունի, որ Ուկրաինան կապահովի Վրաստանի նախկին նախագահ Միխայիլ Սաակաշվիլիի ֆիզիկական պաշտպանությունը, փոխանցում է «Գրուզիա-օնլայնը»:
«Այս պահին Կիեւում տեղի ունեցող իրադարձությունները Ուկրաինայի ներքաղաքական իրադարձություններն են, որոնց վերաբերյալ մենք չենք կարող քաղաքական մեկնաբանություններ կատարել: Միեւնույն ժամանակ, այս իրադարձությունների էպիկենտրոնում է Վրաստանի նախկին նախագահը, եւ դա այս իրադարձություններին հատուկ ծանրաբեռնվածություն է հաղորդում»,- ասել է Ռաքվիաշվիլին լրագրողներին: «Հույս ունենք, որ այս բարդ իրավիճակում Սաակաշվիլիի ֆիզիկական պաշտպանվածությունը կապահովվի»,- նշել է նա: