Լողաթիակով եւ լողի գլխարկով կինը մերկացել է Կիեւում Գերագույն ռադայի շենքի մոտ եւ անպարկեշտ բառապաշարով Օդեսայի նախկին նահանգապետ Միխայիլ Սաակավիլիից ու Ուկրաինայի նախագահ Պյոտր Պորոշենկոյից պահանջել է հեռանալ եւ ուկրաինացի ժողովրդին թողնել հանգիստ ապրել։ Այս մասին հայտնում է Femen կազմակերպության մամուլի ծառայությունը։
Ակտիվիստ կնոջ մարմնին երկրից հեռանալու կոչ է գրված եղել՝ ուղղված քաղաքական գործիչներին։ Ցուցարարների ճամբարի կազմակերպիչները կնոջը հագուստ են տվել եւ հեռացրել այդտեղից։
«Թիակով կինն աբսուրդի վերջին կաթիլն ավելացրեց ուկրաինական քաղաքական խառնիճաղանջության մեջ, որը սպառնում է ոչնչացնել եւ կործանել Ուկրաինան՝ որպես այդպիսին։ Այս երկու անձանց հեռացումն առնվազն Ուկրաինայի քաղաքական կյանքից, իսկ առավելագույնը՝ երկրից, Ուկրաինայի պահպանման երաշխիքն է»,– ասված է հայտարարության մեջ։
