News
Լրահոս
News
Չորեքշաբթի
Հունվար 16
Տեսնել լրահոսը

ՀՅԴ-ի եւ ՏՄՊՊՀ-ի միջեւ վառելիքի շուկայի վիճակի վերաբերյալ հեռակա «փոխհրաձգությունը» շարունակվում է:

Մասնավորապես, ՀՅԴ Բյուրոյի տնտեսական հետազոտությունների գրասենյակը նոր հայտարարությամբ է հանդես եկել, որտեղ նշում է.

«ՀՅԴ Բյուրոյի տնտեսական հետազոտությունների գրասենյակը ներկայացրել էր հետեւյալ դիրքորոշումը ՀՀ ՏՄՊՊՀ-ի հունվարի 9-ի 1-ին պարզաբանման վերաբերյալ՝

1. Հանձնաժողովի այն պնդումը, որ ակցիզային հարկի եւ ԱԱՀ-ի հաշվարկը կախված է նաեւ դիզելային վառելիքի մաքսային արժեքից եւ իրացման գներից, ճիշտ չէ, քանի որ ընթացիկ տարվա հունվար 1-ից, դիզելային վառելիքի համար ներմուծման ակցիզային հարկը 1 տոննայի հաշվարկով կազմում է 13 000 ՀՀ դրամ, այսինքն՝ ակցիզային հարկի հաշվարկը որեւէ կապ չունի դիզելային վառելիքի մաքսային արժեքի եւ իրացման գների հետ:

2. Հանձնաժողովի այն հաշվարկը, որ փոփոխության արդյունքում դիզելային վառելիքի ակցիզային հարկի նվազեցումը կազմում է 14 ՀՀ դրամ, պարզ թվաբանական հաշվարկով չի ստացվում:

3. Հանձնաժողովի այն դիտարկումը, որ ընդհանուր հաշվով դիզելային վառելիքի ներմուծման եւ իրացման համար գանձվող անուղղակի հարկերը ավելացել են շուրջ 60 ՀՀ դրամ, դարձյալ չի ստացվում, քանի որ եթե դիզելային վառելիքի անցյալ տարվա մանրածախ գնից՝ 390 ՀՀ դրամից 20 ՀՀ դրամով ակցիզային հարկը նվազվել է, ստացվում է 370 ՀՀ դրամ, եւ եթե միայն 60 ՀՀ դրամով ավելացվել են անուղղակի հարկերը, ապա կստացվի 430 ՀՀ դրամ, եւ ոչ ներկայիս 440 ՀՀ դրամը:

Այսօր՝ 12.01.18 թվականին, ՀՀ ՏՄՊՊՀ-ի կողմից հրապարակված 2-րդ պարզաբանման վերաբերյալ հայտնում ենք հետեւյալը՝

1. Հանձնաժողովը իր կատարած հաշվարկներով հաստատեց, որ այս տարվա հունվարի 1-ից հետո ակցիզային հարկի հաշվարկը որեւէ կապ չունի դիզելային վառելիքի մաքսային արժեքի հետ:

2. Հանձնաժողովը ճշգրտեց իր 1-ին պարզաբանումը, ըստ որի՝ ակցիզային հարկի նվազեցումը ոչ թե 14, այլ 18 ՀՀ դրամ է կազմում. շուրջ 4 ՀՀ դրամի շեղում կար:

3. Հանձնաժողովի ներկայացրած ներկայիս դիզելային վառելիքի մանրածախ գնի հաշվարկի համաձայն՝ նախկին գինը կազմում էր 380-390 ՀՀ դրամ, որից 18 ՀՀ դրամի չափով նվազեցվում է ակցիզային հարկը՝ այսինքն կազմում է մոտ 372 ՀՀ դրամ (390-18), ապա ձեւավորված նոր գնին նաեւ պետք է ավելացնել ԱԱՀ՝ 20%-ի չափով, որի արդյունքում կստացվի մոտ 446 ՀՀ դրամ (372+20%): Այսինքն՝ ստացվում է, որ անուղղակի հարկերը ավելացել են ոչ թե 60 ՀՀ դրամ, ինչպես նախկինում էր պնդում, այլ 68 ՀՀ դրամ (440-372), իսկ եթե նախորդ տարվա դիզելային վառելիքի գինը վերցնենք 380 ՀՀ դրամ, ինչպես պնդում է Հանձնաժողովը, ապա ավելացումը կկազմի 78 ՀՀ դրամ կամ շուրջ 10 ՀՀ դրամով ավելի շատ է թանկացել դիզելային վառելիքը: Բացի այդ, Հանձնաժողովը իր հաշվարկներում հաշվի չի առել 2018 հունվարի 1-ից հետո ՀՀ ներմուծվող դիզելային վառելիքի, ինչպես նաեւ դիզելային վառելիքի իրացման համար ձեռք բերված ապրանքների եւ ծառայությունների (օրինակ՝ էլեկտրաէներգիայի, տրանսպորտային ծառայություններ եւ այլն) գնի մեջ ներառված ԱԱՀ-ի հաշվանցման հնարավորությունը (համամասնությամբ): Հակառակ դեպքում՝ ստացվում է, որ ամբողջ ԱԱՀ-ի բարձրացման բեռը դրվում է սպառողների վրա: Գտնում ենք նաեւ, որ հանրային վստահությունը էականորեն կավելանար, երբ ներկայացվեր դիզելային վառելիքի, բենզինի եւ սեղմված գազի մանրածախ գների ձեւավորման ամբողջական հաշվարկը, այդ թվում՝ մաքսային արժեքը, շահութաբերության մակարդակը եւ այլն:

Ողջունելի է, որ ՀՀ ՏՄՊՊՀ-ն օպերատիվ եւ պարբերաբար արձագանքում է հանրային հնչեղություն ունեցող հարցերի վերաբերյալ, եւ պատրաստ ենք շահագրգիռ քննարկումներին: ՀՅԴ Բյուրոյի տնտեսական հետազոտությունների գրասենյակը վառելիքային շուկայի առկա հիմնախնդիրների եւ հնարավոր լուծումների վերաբերյալ ամողջական վերլուծությունը կհրապարակի ավելի ուշ»:

 

Տպել
Կարդացեք նաև
Ամբողջը
Նավթի համաշխարհային գները նվազում են
WTI տեսակի նավթի փետրվարյան ֆյուչերսները նվազել են 0,04 տոկոսով՝ մեկ բարելի դիմաց կազմելով 52,09 դոլար…
Նավթի համաշխարհային գներն աճում են
Brent նավթի մարտյան մատակարարումներն ավելացել են 1,19 տոկոսով՝ մեկ բարելի դիմաց կազմելով մինչեւ 59,69 դոլար....
ԱՄՆ-ն ցանկանում է, որպեսզի Կատարը մարտահրավեր նետի Եվրոպայում Ռուսաստանի գազային տիրապետությանը
«Golden Pass-ում Կատարի ներդրումները եւ ԱՄՆ-ի արտահանման հզորությունները շատ կարեւոր են, որպեսզի թույլ տան մեզ այդ բնական գազը Եվրոպա մատակարարել»,...
Թուրքիայի հյուսիս-արեւմուտքում գտնվող գազատարի մոտ պայթյուն է որոտացել
Միջադեպը տեղի է ունեցել բնակավայրերից հեռու լեռնային տարածքում․․․
Աննախադեպ իրավիճակ. Հայաստանում սպառվել են հեղուկ գազի պաշարները
Նկատենք, որ տարվա մեջ մի քանի անգամ լինում են դեպքեր, երբ Ստեփանծմինդա-Լարս ավտոճանապարհի փակ լինելու պատճառով Ռուսաստանից հեղուկ գազ չի ներմուծվում Հայաստան, սակայն առաջին անգամ է, որ...
Նավթի գները նվազում են
WTI նավթի համար փետրվարյան ֆյուչերսները նվազել են 0.97% -ով․․․