Թուրքիայի նախագահ Ռեջեփ Թայիփ Էրդողանը խիստ է արձագանքել Սիրիա–Թուրքիա սահմանի քրդաբնակ շրջաններում սահմանային ուժեր ստեղծելու հայտարարությանը։

Թուրքական Cumhuriyet–ի փոխանցմամբ՝ Թուրքիայի նախագահ Ռեջեփ Թայիփ Էրդողանը հայտարարել է, թե կեղտոտ հետույքով որոշները Սիրայում սպառնում են Թուրքիային։ «Ցանկանում են իրենց ծուղակը քաշել Թուրքիային։ Կլինի PYD, YGP թե «Իսլամական պետություն», հասնելու ենք ձեզ։ Ուրիշ ճար չկա։ Չենք սպասելու որ դուք հարվածեք։  ԻՊ–ին մեկ այլ ահաբեկչական կառույցով ոչնչացնելուեն մենք դեմ էինք հենց սկզբից։

Մենք հիմա ամեն պահի կարող ենք գործողություն սկսել Սիրիայում «ահաբեկչական» PYD-YPG–ի դե։ Այդ գործողությունը շարունակվելու է մինչեւ վերջին «ահաբեկիչը» վերանա»,–ասել է Էրդողանը։

Անդրադառնալով ԱՄՆ–ին, Էրդողանը պնդել է, թե դաշնակից կոչվող երկիրը ցանկանում է Թուրքիայի սահմանների երկայնքով «ահաբեկիչների» բանակով պատել։ «Ուրախ ենք, որ ԱՄՆ–ը արդեն իր մտադրությունները բացահայտ է ասում»,–նշել է Թուրքիայի նախագահը։