Ուկրաինայի Վերին Ռադան Դոնբասի վերաինտեգրման մասին օրենք է ընդունել, որում Ռուսաստանը ճանաչվում է որպես օկուպանտ երկիր, հաղորդում է Strana.ua-ն:
«Դոնեցկի եւ Լուգանսկի շրջաններում ժամանակավորապես օկուպացված տարածքների նկատմամբ Ուկրաինայի պետական ինքնիշխանության ապահովման պետական քաղաքականության առանձնահատկությունների մասին» №7163 օրենքի նախագծի ընդունմանը անհրաժեշտ 226-ից կողմ է հանդես եկել 280 պատգամավոր: 36 պատգամավոր դեմ է հանդես եկել, 2-ը ձեռնպահ է մնացել: Դահլիճում ընդհանուր առմամբ 351 պատգամավոր է եղել:
Բացի այդ, օրենքում ամրապնդվում եւ օրինականացվում է բանակի դերը հակամարտության գոտում, իսկ ռազմական գործողությունների տարածքում հանվում են մարդու մի շարք հիմնարար իրավունքներ:
