Իրավապաշտպան կազմակերպությունները՝ Խաղաղության եւ ժողովրդավարության ինստիտուտը, Մարդու իրավունքների միջազգային գործընկերությունը (International Partnership For Human Rights ) եւ Խոշտանգումների դեմ համաշխարհային կազմակերպությունը, համատեղ զեկույց են ուղարկել ՄԱԿ-ի՝ խոշտանգումների դեմ կոմիտե:
Ինչպես հաղորդում է contact.az-ը, զեկույցում խոսվում է Ադրբեջանում մարդու իրավունքների եւ ժողովրդավարական ազատությունների իրավիճակի մասին: Զեկույցում նշված է քաղբանտարկյալների թիվը, ինչպես նաեւ նրանց մեծ մասի ձերբակալության, դատաքննության եւ դատապարտման քաղաքական դրդապատճառները: Զեկույցում ներկայացված են նաեւ Նարդարանում և Գոբուստանի բանտում խոշտանգումների ու սպանությունների փաստերը եւ բանտարկյալների՝ այլ վայրերում մահվան դեպքերը:
Զեկույցում նշված են Հայաստանի օգտին լրտեսության մեջ մեղադրվող անձնաց բացահայտմանն ուղղված օպերացիայի ընթացքում զոհվածների անունները: Զեկույցում այս հանցագործությունները հետաքննելու պահանջ է ներկայացված:
Զեկույցը տեղեկություններ է պարունակում նաեւ քաղաքացիական հասարակության ինստիտուտների նկատմամբ հալածանքների, քաղաքացիներին մասնագիտական իրավական պաշտպանությունից զրկելու մասին, նշվում են նաեւ այն փաստաբանների անունները, որոնք համարձակություն են ունեցել պաշտպանել քաղբանտարկյալներին, ինչի համար հեռացվել են Փաստաբանների կոլեգիայից:
