ԱՄՆ նախագահ Դոնալդ Թրամփը կհանդիպի Հյուսիսային Կորեայից փախած անձանց հետ: Այս մասին հաղորդում է «Ինտերֆաքս»-ը՝ վկայակոչելով The Washington Post-ը:
Սպասվում է, որ Սպիտակ տուն մինչեւ 8 մարդ կայցելի: Նրանց թվում կլինի նաեւ Չի Սոն Հոն, ով ներկա էր Թրամփի՝ ԱՄՆ Կոնգրեսին ուղղված «Երկրի վիճակի մասին» ելույթին, որտեղ նախագահը կրկին քննադատել էր Հյուսիսային Կորեայի ռեժիմը:
Չի Սոն Հոն փախել է ԿԺԴՀ-ից 2006 թվականին, այժմ նա ապրում է Սեուլում: «Ոչ մի ռեժիմ այդքան կոպիտ եւ ամբողջական կերպով չի ճնշել իր քաղաքացիներին, ինչպես հյուսիսկորեական բռնապետությունը: ԿԺԴՀ-ի միջուկային զենքի մոլուցքը շուտով կարող է սպառնալիք դառնալ մեր երկրի համար»,- Կոնգրեսի առջեւ ելույթ ունենալիս նշել էր ԱՄՆ նախագահը:
