Այսօր՝ փետրվարի 4-ին, առեղծվածային դեպք է տեղի ունեցել Երեւանում:
Ժամը 19:00-ի սահմաններում, ոստիկանության Նոր-Նորքի բաժին ահազանգ է ստացվել, որ Նորքի 8-րդ զանգվածում ԽՍՀՄ տարիներին կառուցված անվադողերի արտադրամասին հարակից դաշտում տղամարդու դի կա:
Shamshyan.com-ի փոխանցմամբ, ոստիկաններն ու քննիչները նշված վայրում հայտնաբերել են ամբողջովին մերկ, 50-55 տարեկան տղամարդու դի:
Կայքը հայտնում է նաեւ, քանի որ դին անճանաչելի էր եւ սառած, դատաբժշկի հորդորով այն տեղափոխվեց դիահերձարան՝ հետագայում մահվան հանգամանքները պարզելու համար:
Ոստիկանությունն ու քննչական բաժինը պարզում են մահացածի ինքնությունը:
Փաստի առթիվ քննչական բաժնում նյութեր են նախապատրաստվում:
Առավել մանրամասն՝ սկզբնաղբյուր կայքում