Ինժեներական մշակույթն ամբողջ աշխարհում տեխնոլոգիական եւ նորարար ընկերություններին (Netflix, Airbnb, Facebook etc.) հատուկ կորպորատիվ մշակույթի մի տեսակ է։ Նրա հիմքում է հորիզոնական հաղորդակցությունը ու որոշումների կայացման այնպիսի համակարգ, որտեղ թիմի յուրաքանչյուր անդամ ազատ է անկաշկանդ կիսվել իր գաղափարներով, ցանկացած ոլորտի խնդիրների նոր լուծումներ առաջարկել, աջակցել եւ սովորել միմյանցից։
Հայաստանում ինժեներական մշակույթով է առաջնորդվում ու նորանոր հաջողություններ գրանցում PicsArt առաջատար ընկերությունը: Այստեղ կարեւորում են հորիզոնական հաղորդակցությունը, այսինքն՝ ցանկացած աշխատակից կարող է ազատ կիսվել իր գաղափարներով մյուսների՝ անգամ ընկերության գործադիր տնօրենի կամ համահիմնադիրների հետ։ Ընկերության կառուցվածքն այնպիսին է, որ ցանկացած աշխատակից իրեն զգում է պրոդուկտի արդյունքի համար պատասխանատու եւ հետեւաբար մեծ ներգրավածություն է ունենում պրոդուկտի ձեւավորման բոլոր փուլերում։
Ազատ ստեղծագործման այս միջավայրում աշխատում են 300-ից ավելի երիտասարդներ, ովքեր PicsArt-ի հաջողությունների նկատմամբ մեծ պատասխանատվություն են զգում եւ անընդհատ կիսվում են իրենց բարելավմանը միտված մտահաղացումներով, քննարկումներ ծավալում գործընկերների հետ ու անգամ նոր պրոդուկտներ ստեղծում: Այս նույն մեխանիզմով, PicsArt ընկերության աշխատակիցների մտահաղացմամբ ստեղծվել են օրինակ PicsArt ընկերության GiftsArt ու PicsArt Color Paint հավելվածները, վերջինիս, ի դեպ, Google Play-ում ունի 4 մլն ներբեռնում, իսկ App Store-ում ճանաչվել է 2017-ի լավագույն հավելվածներից մեկը:
Ահա թե ինչ են պատմում PicsArt-ի աշխատակիցներն իրենց ակտիվ ստեղծագործական եւ պրոդուկտիվ հարաբերությունների մասին:
Ի դեպ, թիմային այսպիսի աշխատանքի աննախադեպ արդյունքը խոսուն թվերն են. PicsArt հավելվածն ունի ամսական 100 մլն-ից ավելի ակտիվ օգտատեր, իսկ ներբեռնումների ընդհանուր թիվը վաղուց հատել է 450 միլիոնը:
