Միջազգային հանրության կողմից Հյուսիսային Կորեայի միջուկային տերության կարգավիճակի ճանաչումը կարող է վերջ դնել Միջուկային զենքի չտարածման պայմանագրով հաստատված ռեժիմին։ Այս մասին հայտարարել է Ճապոնիայի արտաքին գործերի նախարար Տարո Կոնոն Մյունխենի անվտանգության համաժողովում, փոխանցում է ՏԱՍՍ-ը։
Հյուսիսային Կորեան իր ամբիցիաների, այդ թվում՝ Կորեական թերակղզու տարածքից ամերիկյան զորքերի դուրսբերման, ինչպես նաեւ Հյուսիսային եւ Հարավային Կորեաների իրենց պայմաններով միավորման հարցում միջուկային զենքը դիտում է որպես իր նպատակներին հասնելու կարեւոր միջոց»,-նշել է նա:
Նրա խոսքով՝ միջազգային հանրությանը «չպետք է կուրանա Հյուսիսային Կորեայի դիվանագիտության ժպիտներից, այլ անհրաժեշտ է ճնշում գործադրել Փհենյանի վրա եւ պահպանել չտարածման ռեժիմը»:
Իր ելույթի ժամանակ ԱԳ նախարարը նաեւ ցուցադրել է Ճապոնիայի ինքնապաշտպանության ուժերի ինքնաթիռների կողմից փետրվարի 13-ին արված լուսանկարներ։ Լուսանկարում երեւում է, թե ինչպես է ՄԱԿ անվտանգության խորհրդի պատժամիջոցների տակ գտնվող հյուսիսկորեական նավը նավթ տանում Բելիզի դրոշով տանկերից։
