Թուրքիայում Վլադիմիր Պուտինի եւ Թայիփ Էրդողանի հանդիպումը նախատեսվում է ապրիլի սկզբին: Այս մասին հայտարարել է Թուրքիայի փոխվարչապետ Բեքիր Բոզդագը, հաղորդում է «ՌԻԱ Նովոստին»:
Նրա խոսքով՝ Թուրքիայի, Ռուսաստանի եւ Իրանի միջեւ Սիրիայի խնդիրների լուծման վերաբերյալ բանակցությունները շարունակվում են: «Մարտի 14-ին Մոսկվայում մեր արտգործնախարարների մասնակցությամբ հանդիպում տեղի կունենա: Մարտի 16-ին Աստանայում Իրանի մասնակցությամբ եռակողմ հանդիպում կկայանա», - Անկարայում լրագրողներին ասել է նա:
Նա նշել է, որ Վլադիմիր Պուտինի եւ Թայիփ Էրդողանի հանդիպումը նախատեսվում է ապրիլի սկզբին, բայց օրը դեռ չի որոշվել: Դրանից հետո, սպասվում է, որ Սիրիայի հարցով ՌԴ-Թուրքիա-Իրան գագաթաժողովը կանցկացվի, հավելել է Բոզդագը:
