Եվրամիությունը կավելացնի Սահելի շրջանի աֆրիկյան պետություններին տրամադրվող ֆինանսական աջակցությունն ահաբեկչության եւ ապօրինի միգրացիայի դեմ պայքարում:
Հակաահաբեկչական կոնտիգենտի ֆինանսավորումը կկրկնապատկվի 50–ից հասնելով 100 միլիոն եվրոյի։ Կոնտիգենտի մեջ մտնում են Բուրկինա Ֆասոյի, Մալիի, Մավրիտանիայի, Նիգերի եւ Չադի զինվորները։ Այս մասին հայտնել է ԵՄ արտաքին քաղաքականության եւ անվտանգության հարցերով գերագույն հանձնակատար Ֆեդերիկա Մոգերինին դոնոր երկրների բաց համաժողովի ժամանակ, փոխանցում է DW–ն։
«Խաղաղության համար պետք է վճարել։ Սահել տարածաշրջանում հակաահաբեկչական կոնտիգենտը կարեւոր առաքելություն է իրականացնում ոչ միայն տարածաշրջանի ժողովրդի, այլ նաեւ Եվրոպայի համար»,–ընդգծել է Մոգերինին։