ԱԺ տնտեսական հարցերի մշտական հանձնաժողովի նիստի ժամանակ հավանության է արժանացել աջակողմյան ղեկային տեղաբաշխմամբ տրանսպորտային միջոցների ներմուծումը ժամանակավոր արգելելու մասին ՀՀ տրանսպորտի, կապի եւ տեղեկատվական տեխնոլոգիաների նախարարի առաջին տեղակալ Գագիկ Գրիգորյանի եւ հանձնաժողովի նախագահ Խոսրով Հարությունյանի ներկայացրած օրինագծին։
Օրինագիծը ենթադրում է, որ 2018 թվականի ապրիլի 1-ից մինչեւ հոկտեմբերի 1-ը ժամանակավորապես կարգելվի աջակողմյան ղեկային տեղաբաշխմամբ տրանսպորտային միջոցների բաց թողնումը` ներքին սպառման համար մաքսային ընթացակարգով ներմուծմամբ։