Մոնտենեգրոն՝ որպես ՆԱՏՕ-ի անդամ եւ Եվրամիության ապագա անդամ, իր աջակցությունն է հայտնում Լեռնային Ղարաբաղի հակամարտության խաղաղ կարգավորմանը: Այս մասին Trend- ին տված հարցազրույցում հայտարարել է Մոնտենեգրոյի արտաքին գործերի նախարար Սերջան Դարմանովիչը:
Նախարարը նշել է, որ Մոնտենեգրոն գործընկերների հետ համագործակցության միջոցով կշարունակի իր ներդրումը միջազգային անվտանգության եւ կայունության ապահովման գործում:
«Մոնտենեգրոն կշարունակի աջակցություն ցուցաբերել բարձր մակարդակով կառուցողական երկխոսությանը՝ ԵԱՀԿ Մինսկի խմբի ջանքերի եւ ՄԱԿ-ի բանաձեւերի, Ադրբեջանի տարածքային ամբողջականության եւ ինքնիշխանության սկզբունքների նկատմամբ հարգանքի շրջանակներում», - ասել է Դարմանովիչը:
