ՄԱԿ-ի գլխավոր քարտուղար Անտոնիո Գուտերեշը ուրբաթ ողջունել է Միացյալ Նահանգների եւ Հյուսիսային Կորեայի համաձայնությունը` Դոնալդ Թրամփի եւ Կիմ Չեն Ընի մասնակցությամբ գագաթաժողով անցկացնելու մասին, հաղորդում է ՏԱՍՍ-ը:
Ինչպես լրագրողներին հայտարարել է Գլխավոր քարտուղարի պաշտոնական ներկայացուցիչ Ստեֆան Դյուժարիկը, համաշխարհային կազմակերպությունը աջակցում է Կորեայի թերակղզում միջուկային խնդրի խաղաղ կարգավորմանն ուղղված բոլոր ջանքերը:
«Գլխավոր քարտուղարը ոգեշնչված է Միացյալ Նահանգների եւ ԿԺԴՀ միջեւ մայիսին գագաթաժողով անցկացնելու մասին հայտարարված պայմանավորվածությամբ: Այն ցույց է տալիս բոլոր շահագրգիռ խաղացողների առաջնորդությունը եւ իմաստությունը, ինչպես նաեւ հաստատում է իր աջակցությունը Կորեայի թերակղզու խաղաղ կարգավորմանն ուղղված բոլոր ջանքերին՝ Անվտանգության խորհրդի բանաձեւերի համապատասխան», - ասել է Դյուժարիկը:
Թրամփը Կիմ Չեն Ընի հետ հնարավոր հանդիպումը անվանել է շահավետ բոլոր կողմերի համար
Փենսը վստահ է, որ ԿԺԴՀ-ին մեկուսացնելու Թրամփի ռազմավարությունն աշխատում է
Սպիտակ տունը հաստատել է Կիմ Չեն Ընի հետ հանդիպելու Թրամփի համաձայնությունը
Հյուսիսային Կորեան պատրաստ է բանակցություններ սկսել ԱՄՆ-ի հետ
Հյուսիսային Կորեան դատապարտել է ԱՄՆ պատժամիջոցները եւ այն «պատերազմի ակտ» որակել