ԱՄՆ նախագահ Դոնալդ Թրամփը Եվրամիության երկրներին առաջարկել է ամերիկյան ապրանքների համար «սարսափելի պատնեշներն ու սակագները» վերացնել պողպատի եւ ալյումինի ներմուծման սակագների չեղարկման դիմաց, որոնք ավելի վաղ ԱՄՆ-ն սահմանել էր: ՌԲԿ-ի փոխանցմամբ՝ այս մասին ԱՄՆ նախագահը նշել է Twitter-ի իր էջում:
Իսկ եթե նրա առաջարկը չընդունվի, ԱՄՆ-ն սակագներ կսահմանի Եվրոպայից ներմուծվող այլ ապրանքախմբերի համար եւս, ինչպիսին են ավտոմեքենաները, հստակեցրել է Թրամփը:
«Եվրամիությունը, հրաշալի երկրները, որոնք առեւտրի մեջ ԱՄՆ-ին շատ վատ են վերաբերվում, բողոքում են պողպատի եւ ալյումինի սակագներից: Եթե նրանք ԱՄՆ-ից ներմուծվող արտադրանքի համար հանեն իրենց հրեշավոր պատնեշները եւ սակագները, ապա մենք ի պատասխան չղերակենք մերը: Մեծ դեֆիցիտ է: Եթե ոչ, մենք հարկեր կսահմանենք ավտոմեքենաների եւ այլ ապրանքների համար: Արդարացի է»,- գրել է Թրամփը:
The European Union, wonderful countries who treat the U.S. very badly on trade, are complaining about the tariffs on Steel & Aluminum. If they drop their horrific barriers & tariffs on U.S. products going in, we will likewise drop ours. Big Deficit. If not, we Tax Cars etc. FAIR!
— Donald J. Trump (@realDonaldTrump) 2018 թվականի մարտի 10:
Նահանգներ պողպատի եւ ալյումինի ներմուծման սակագներ սահմանելու մասին հրամանը Թրամփը ստորագրել է մարտի 9-ին: Բացառություն է կատարվել Կանադայի եւ Մեքսիկայի համար. կապված Հյուսիսամերիկյան ազատ առեւտրի գոտու մասին (NAFTA) համաձայնագրի պայմանների վերանայման բանակցությունների հետ՝ նրանց հետաձգում է տրամադրվել: Մնացյալ երկրները պետք է 25-տոկոսանոց մաքսատուրք վճարեն պողպատի եւ 10-տոկոսանոց՝ ալյումինի ներմուծման համար: «Այն երկիրը, որը չի պաշտպանում իր տան բարեկեցությունը, չի կարող իր շահերը պաշտպանել արտասահմանում»,- այդ ժամանակ Սպիտակ տանն ասել էր Թրամփը:
Եվրոպացի քաղաքական գոծիչներն այս միջոցառումները քննադատել էին մինչեւ հրամանի ստորագրումը: Առեւտրի հարցերով եվրահանձնակատար Սեսիլիա Մալմսթրեմը հայտարարել էր, որ Եվրամիությունը մտադիր է հասնել իր համար պողպատի եւ ալյումինի ամերիկյան մաքսատուրքերի չեղարկմանը: Նա նշել էր, որ մետաղի սակագները «վնաս կհասցնեն տրանսատլանտյան հարաբերություններին, ինչպես նաեւ գլոբալ առեւտրային համակարգին»:
Արժույթի միջազգային հիմնադրամի գործադիր տնօրեն Քրիսթին Լագարդը եւս նախազգուշացրել էր, որ ԱՄՆ կողմից մետաղի մաքսատուրքեր սահմանելը կարող է առեւտրային պատերազմ հրահրել, որում հաղթողներ չեն լինի: «Սակագների փոխադարձ բարձրացմամբ առաջացած առեւտրային պատերազմում ոչ ոք չի հաղթի: Տանուլ կտան երկու կողմն էլ»,- կարծում է Լագարդը:
- ԱՄՆ-ը բանակցում է Ավստրալիայի հետ` այս երկրից ներկրվող պողպատի եւ ալյումինի մաքսատուրքերից խուսափելու համար
- Գրեթե բոլոր առեւտրային գործարքներում մենք տանուլ ենք տալիս. Թրամփ
- Թրամփը մտահոգված չէ ալյումինի եւ պողպատի ներմուծման մասին իր որոշումից հետո ֆոնդային շուկայի անկմամբ
- Առեւտրային պատերազմները լավ են, դրանցում հեշտ է հաղթելը. Թրամփ
- ԵՄ-ն վճռական պատասխան կտա ԱՄՆ-ի կողմից պողպատի եւ ալյումինի ներմուծման համար մաքսային սակագների ներդրմանը
- ԱՄՆ-ն պողպատի եւ ալյումինի ներմուծման մաքսային սակագներ կսահմանի