Առեւտրային պատերազմները լավ են, դրանցում հեշտ է հաղթելը: Նման կարծիք է հայտնել ԱՄՆ նախագահ Դոնալդ Թրամփը: Նրա՝ պողպատի եւ ալյումինի ներմուծման մաքսատուրքեր մտցնելու մասին որոշումը լարվածություն է առաջացրել առեւտրային գործընկերների հետ հարաբերություններում, գրում է AP-ը:
«Երբ մի երկիր (ԱՄՆ) կորցնում է միլիարդավոր դոլարներ բոլոր երկրների հետ առեւտրում, ապա առեւտրային պատերազմները լավ են, դրանցում հեշտ է հաղթելը: Մեր պողպատի արդյունաբերությունը վատ վիճակում է: Եթե դուք չունեք պողպատ, նշանակում է չունեք երկիր», - գրել է նա իր թվիթերյան էջում: