Ֆրանսիայում հոկտեմբերի 31-ին և Հելոուինի գիշերը տեղի ունեցած բողոքի ցույցերի ընթացքում ոստիկանությունը ձերբակալել է 779 մարդու, հայտնում է BFMTV-ն։

Միևնույն ժամանակ զանգվածային ակցիաներն ընդհանուր առմամբ խաղաղ են անցել, իսկ երեկոյի երկրորդ կեսին լուրջ միջադեպեր չեն եղել, հայտնել է ներքին գործերի նախարար Լորան Նունյեսը։

Ներքին գործերի նախարարության տվյալներով, ամբողջ երկրում ցույցերին մասնակցել է 320 հազարից մինչև 500 հազար մարդ։ Նախարարը հայտարարել է, որ իշխանությունները կշարունակեն ուշադիր հետևել իրավիճակի զարգացմանը։

Միաժամանակ Փարիզում սպանության փորձի կասկածանքով հետաքննություն է սկսվել այն բանից հետո, երբ հոկտեմբերի 31-ի ակցիայի ժամանակ անհայտ անձինք հրկիզող խառնուրդով շիշ են նետել ժանդարմների ուղղությամբ։

Շարունակվող սոցիալական դժգոհության ֆոնին դպրոցականների և ուսանողների արհմիությունները կոչ են արել երեքշաբթի և հինգշաբթի կրկին արգելափակել լիցեյների և համալսարանների մուտքերը։ Սպասվում է, որ բողոքի ակցիաները կշարունակվեն առաջիկա օրերին։