Եվրոպան համատեղ վճռական պատասխան կտա, եթե ԱՄՆ նախագահ Դոնալդ Թրամփի վարչակազմն իրականացնի պողպատի եւ ալյումինի ներմուծման համար մաքսային սակագների ներդրման պլանը: Այս մասին հայտարարել է Ֆրանսիայի ֆինանսների նախարար Բրունո Լե Մեյրը, փոխանցում է Reuters-ը:
Նրա խոսքով՝ «բոլոր տարբերակները սեղանի վրա են», եւ Վաշինգտոնը կարող է Եվրամիությունից «ուժեղ, միակողմանի եւ համակարգված» պատասխան սպասել: «Այս միակողմանի միջոցառումները անընդունելի են. դրանք զգալի ազդեցություն կունենան եվրոպական տնտեսության եւ այնպիսի ֆրանսիական ընկերությունների վրա, ինչպիսիք են Vallourec-ը եւ Arcelor-ը»,- ասել է Լե Մեյրը՝ ի նկատի ունենալով Լյուքսեմբուրգում պողպատի եվրոպական արտադրող ArcelorMittal-ը:
Հիշեցնենք, որ ավելի վաղ ԱՄՆ նախագահ Դոնալդ Թրամփը հայտարարել էր ԱՄՆ-ի կողմից պողպատի եւ ալյումինի ներմուծման մաքսային սակագների կսահման պլանի մասին:
ԱՄՆ-ն պողպատի եւ ալյումինի ներմուծման մաքսային սակագներ կսահմանի
