ԱՄՆ նախագահ Դոնալդ Թրամփը հայտարարել է, որ կարծես թե նախկին ռուսական լրտես Սերգեյ Սկրիպալի թունավորման հետեւում Ռուսաստանն է կանգնած, հաղորդում է Reuters-ը:
«Կարծես թե, դրա հետեւում ռուսներն են կանգնած», - Իռլանդիայի վարչապետ Լեո Վարադկարի հետ հանդիպման ժամանակ ասել է Թրամփը: Նա ասել է, որ միջադեպը քննարկել է Մեծ Բրիտանիայի վարչապետ Թերեզա Մեյի հետ՝ իրավիճակը «շատ տխուր» անվանելով, որը ԱՄՆ-ն «շատ լուրջ» է ընկալում:
Լոնդոնը Մոսկվային է մեղադրում Սկրիպալի եւ նրա դստեր թունավորման մեջ: Նախօրեին Մեծ Բրիտանիայի վարչապետ Թերեզա Մեյը հայտարարել էր 23 ռուս դիվանագետների արտաքսման մասին եւ Ռուսաստանի դեմ մի շարք այլ միջոցառումների մասին: Մոսկվան կտրականապես ժխտում է բոլոր մեղադրանքները:
Մարտի 4-ին ԳՀՎ 66-ամյա նախկին գնդապետ Սերգեյ Սկրիպալը եւ նրա 33-ամյա դուստր Յուլիան ենթարկվել են անհայտ նյարդային գործակալի ազդեցության: Նրանց անգիտակից վիճակում գտել էին Սոլսբերիի The Maltings առեւտրի կենտրոնի նստարանին:
Երկուսն էլ այժմ ծայրահեղ վիճակում հիվանդանոցում են գտնվում: 2004-ին Սկրիպալը կալանավորվել էր Ռուսաստանի Դաշնային անվտանգության ծառայության կողմից, այնուհետեւ դատապարտվել 13 տարվա ազատազրկման` պետական դավաճանության համար՝ զրկելով բոլոր կոչումներից եւ մրցանակներից: 2010-ին լրտեսության մեղադրանքով ձերբակալված անձանց փոխանակման շրջանակներում նա փոխանցվեց ԱՄՆ-ին: Նույն թվականին նախկին ԳՀՎ գնդապետը Մեծ Բրիտանիա տեղափոխվեց:
Թերեզա Մեյը պատրաստ է նոր միջոցներ ձեռնարկել «Ռուսաստանի կողմից սադրանքների» դեպքում
ՌԴ ԱԳՆ-ն Թերեզա Մեյի հայտարարությունը «կոպիտ սադրանք» է անվանել
Լրտեսի առեղծվածային թունավորում. Լոնդոնն ու Մոսկվան հարաբերությունների խզման եզրին են
Բրիտանիան կարտաքսի 23 ռուսաստանցի դիվանագետի
Բրիտանիան կասեցնում է Ռուսաստանի հետ երկկողմ շփումները
