ԱՄՆ գործող նախագահ Դոնալդ Թրամփի քաղաքականությունը միջազգային օրակարգ է բերում խաղի նոր կանոններ: Այս մասին մարտի 19-ին ԱԺ-ում տեղի ունեցած մամուլի ասուլիսի ժամանակ, որը նվիրված էր Ամերիկայի Միացյալ Նահանգներ Հայաստան-ԱՄՆ բարեկամության խորհրդարանական խմբի այցին, ասաց հայկական պատվիրակության անդամ, «Ծառուկյան» դաշինքի պատգամավոր Նաիրա Զոհրաբյանը:
Նրա խոսքով՝ հանդիպման ընթացքում քննարկվել են տարածաշրջանային անվտանգության հարցեր եւ մասնավորապես՝ Լեռնային Ղարաբաղի հակամարտության կարգավորման հարցը:
«Սա մեծ նշանակություն ունի, քանի որ ԱՄՆ-ն ԵԱՀԿ Մինսկի խմբի համախագահ երկրներից մեկն է»,- պարզաբանեց Զոհրաբյանը:
Ըստ որում՝, ինչպես նշեց պատգամավորը, այս հարցը քննարկվել է նաեւ ԱՄՆ-ում հայկական Սփյուռքի ներկայացուցիչների հետ, որոնց նույնպես այս հարցը մտահոգում է:
Իր հերթին, ՀՅԴ խմբակցության քարտուղար Աղվան Վարդանյանը շեշտեց, որ Սենատում քննարկվել է Հայաստանին եւ Լեռնային Ղարաբաղին ֆինանսական աջակցության ցուցաբերման հարցը, սակայն այդպես էլ ոչ մի համաձայնության չեն հասել:
