Վերին Արտաշատում գտնվող մասնավոր սեփականություններից մեկի բակում պահվող արջը, որը վայրի բնության և մշակութային արժեքների պահպանման հիմնադրամի (FPWC) ջանքերով տեղափոխվել է առավել բարվոք պայմաններ ապահովող ապաստարան, հոգեկան շեղումներ ունի, հաղորդում է Econews.am-ը:
Տեսանյութում երեւում է, թե ինչպես է կենդանին հայտնվելով ազատավանդակում վազվզում ու թռչկոտում: Առաջին հայացքից կենդանին ցնծության մեջ է, սակայն մասնագետների պնդմամբ դա լուրջ վարքագծային շեղումների մասին է խոսում: Նշենք, որ Բալու արջը պահվում էր Վերին Արտաշատի մասնավոր տարածքներից մեկում: Արջի «սեփականատերը» երկար ժամանակ չէր համաձայնվում տեղափոխել արջին: