Չինաստանն աջակցություն է հայտնել Հյուսիսային Կորեայի ղեկավարության առաջիկա հանդիպումներին Միացյալ Նահանգների եւ Հարավային Կորեայի առաջնորդների հետ: Այս մասին իր հյուսիսկորեալան գործընկերոջ հետ հանդիպման ժամանակ հայտարարել է արտգործնախարար Վան Ին, հաղորդում է «ՏԱՍՍ»-ը՝ վկայակոչելով չինական ԱԳՆ-ն:
Վան Ին նշել է, որ Պեկինը բարձր է գնահատում Կորեայի թերակղզում լարվածության նվազեցմանն ուղղված Փհենյանի ջանքերը: Րի Յուն Հոն իր հերթին վստահեցրել է, որ Հյուսիսային Կորեան կպահպանի սերտ ռազմավարական կապերը Չինաստանի հետ, ինչպես նշվել էր Չինաստանի առաջնորդ Սի Ցզինպինի եւ նրա հյուսիսկորեացի գործընկեր Կիմ Չեն Ընի հանդիպման ժամանակ:
Ավելի վաղ Վան Ին լրագրողներին հայտնել էր, որ Չինաստանը հուսով է, որ Կիմ Չեն Ընի եւ ԱՄՆ նախագահ Դոնալդ Թրամփի միջեւ նախատեսված հանդիպումը «կխորացնի փոխըմբռնումը եւ կնպաստի փոխադարձ վստահությանը»:
