Ռուսաստանի Առաջին ալիքը երկար ժամաանկ Էլինա Մազուրից պահանջում էր լռել: Այս մասին Վիտալինա Ցիմբալյուկ-Ռոմանովսկայայի նախկին ներկայացուցիչ Էլինա Մազուրը բացառիկ հարցազրույցում ասել է Dni.Ru-ին:
«Առաջին ալիքը սցենար ուներ.Վիտալինան մի անմեղ էակ է, որին թալանել է Ջիգարխանյանը,-բացատրեց Էլինան: Բոլորը ցնցված են՝այ քեզ անակնկալ, ինչպես կարող էր ժողովրդական արտիստը եւ հարգված մարդը այդպես նեղացնել երիտասարդ ուկրաինացի դաշնակահարուհուն: Սակայն ես խառնեցի նրանց ծրագրերը, սկսեցի պատմել, ով է թաքնվում այդ հեզաբարոյի հետեւում, ինչ աֆերաներ էր նա անում, ինչպես էր ստորագրություններ կեղծում, որն նրա անունը Վիտալինա չէ... Այս ամենը Առաջին ալիքին պետք չէր: Եվ «Պուստ գովորյատ»-ի խմբագիրները գտան ուրիշների, որպեսզի ինձ վարկաբեկեն: Հորինեցին, որ ես հասարակաց տուն ունեմ, գողաորջ եւ այլ հիմարություններ: Մի խոսքով, ամեն կերպ փակում էին իմ բերանը, իսկ Վիտալինան մինչ այդ ավելի էր անամոթանում, զգալով իր անպատժելիությունը»:
«Այժմ էլ Առաջին ալիքն անընդհատ ինձ անհանգստացնում է, ցանկանում է Ջիգարխանյանի բնակարանների թեմայի մասին հարցազրույց վերցնել: Ես հրաժարվում եմ, որովհետեւ չեմ ուզում նրանց հետ համագործակցել: Բացի այդ, Արմեն Բորիսովիչը բազմիցս դիմել էր Առաջին ալիքի ղեկավարությանը հետապնդումը դադարեցնելու խնդրանքով: Նրան այդպես էլ չլսեցին: Իսկ ես հանրային միջավայրում պաշտպանում եմ Ջիգարխանյանին եւ ասում եմ՝ կանգ առեք: Նա ծեր մարդ է: Դուք ուզում էիք Կիեւից հավաքարար Վիկայի հետ գործա՞րք ստանալ: Դուք այն ստացաք: Մենք այլեւս ոչ մի կերպ չենք ցանկանում մեկնաբանել կատարվածը: Ես խնդրում եմ հանգիստ թողնել մեծ արտիստի անունը, որը գրանցվել է Գինեսի ռեկորդների գրքում եւ նրա ընկերոջ՝ Արթուր Սողոմոնյանի»:
«Հենց Արթուրի բարության եւ սիրո շնորհիվ Արմեն Բորիսովիչը աժյմ ապրում է: Նա հրաշալի խնամող ունի, արտիստի խոսքով, ավելի լավը քան Վիտալինան: Նրան բուժում են լավագույն բժիշկները եւ բուժանձնակազմը, նա շրջապատված է հոգատարությամբ եւ ուշադրությամբ:
«Հոգատար Վիտալինան կարող է չանհանգստանալ, թե ինչպես է իր բացակայության ժամանակ իրեն զգում Արմեն Բորիսովիչը: Նա մոռացել է նրան» – ընդգծել է Մազուրը:
