Freedom House իրավապաշտպան կազմակերպությունը ապրիլի 11-ին ներկայացրել է իր տարեկան զեկույցը անցումային շրջանում գտնվող երկրների ազատության հետ կապված իրավիճակի վերաբերյալ:
Ինչպես հաղորդում է www.contact.az-ը, զեկույցում նշվում է, որ անցյալ տարվա ընթացքում ավտորիտարիզմն Ադրբեջանում միայն ամրապնդվել է. ազատությունների սահմանափակումները շարունակվել են, ընտանեկան իշխանության համախմբումն ուժեղացել է, դրա հակառակորդների վրա ճնշումը չի դադարել: Քաղաքականորեն հիմնավորված ձերբակալությունները սովորական երեւույթ են դարձել:
Իշխանական ռեժիմի կողմից ժողովրդավարական չափանիշների կանոնների ու դրույթների անտեսումը ազգային քաղաքականության ձեւ է դարձել: Սա արտահայտվում է Մարդու իրավունքների եվրոպական դատարանի որոշումների անտեսմամբ, արտասահմանից քննադատական լրագրողների առեւանգմամբ, եվրոպացի քաղաքական գործիչների եւ լրատվամիջոցների կաշառմամբ, փոքրամասնությունների հետապնդումներով, սոցիալական ցանցերի վերահսկմամբ, անցանկալի կայքերի արգելափակմամբ եւ հավատացյալների հետապնդումներով:
Հաշվի առնելով վերը նշվածը՝ Freedom House-ն արդեն մի քանի տարի շարունակ Ադրբեջանը ոչ ազատ երկրների շարքին է դասում: Ոչ ազատ է ճանաչվել նաեւ Ադրբեջանական մամուլը, իսկ համացանցը ճանաչվել է մասամբ ազատ:.